ഉള്ളകം 

മുയൽക്കുട്ടിയുടെ രൂപമുള്ള ,
മേഘത്തിനു കീഴിലാണ്-
ഞാനെന്റെ സ്വപ്നങ്ങളെ ,കുഴിച്ചു മൂടിയത് .
സ്വപ്‌നങ്ങൾ,
ചെമ്പകമായി പൂത്തുലഞ്ഞപ്പോഴാണ് ,
മുയൽക്കുട്ടി പെയ്തു വീണത് .
സ്വപ്നങ്ങൾക്ക് ചെമ്പകപ്പൂവായി പുനർജ്ജനി ...

            നീ ബാക്കിവയ്ക്കാതെ പോയ ഞാനാണ്,
            പുഴയിൽ സ്വപ്നങ്ങളൊക്കെയും ,
            കഴുകി ഒഴുക്കിയിട്ട്-
            മരുഭൂമിയിലേക്ക് ,
            അപ്രത്യക്ഷയായത് ...
            ഒരിത്തിരി എന്നെ നീ ശേഷിപ്പിച്ചിരുന്നെങ്കിൽ ,
            മഴവില്ലിന്റെ ചിത്രം വരച്ചേനെ ഞാൻ .....
            പൊള്ളയായ അകം
            ചിതറിത്തെറിച്ച ചില്ലുകൂട്
            ചോരവാർന്ന് വിളറിയ മനസ്സ് ......