സ്വാതന്ത്ര്യം

ഞാൻ-

 സ്വാതന്ത്ര്യം ചെയ്യപ്പെട്ട നാട്ടു രാജ്യം....

എൻ്റെ സ്വാതന്ത്ര്യം,

തെരുവ്നായയുടേത് പോലെയായിരുന്നു.

അതിന് - ,

ഉടമസ്ഥതയുടെ തുടലലങ്കാരമില്ല .

അതിന് -

അലഞ്ഞുതിരിയാൻ ,

അതിർത്തികളില്ല ..

അതിനു വിശപ്പടക്കാൻ ,

ഏത് കുപ്പയിലും തിരയാം ..

അതിന് -

ഏതു മറവിലും ഉറങ്ങാം ..

അതിന് കാമം തീർക്കാൻ-

ഏതുടലും തേടാം....

എൻ്റെ സ്വാതന്ത്ര്യം ,

ഒരു തെരുവ് നായയുടേത് പോലെ ....

അതിന് തിരിച്ചു ചെല്ലാൻ -

സ്വന്തമായൊരു കൂരയില്ല .

അതിനു മുഖം ചേർത്തുരസാൻ -

സ്നേഹമുള്ളൊരു യജമാനനില്ല 

എൻ്റെ സ്വാതന്ത്ര്യം ,

ഒരു തെരുവ് നായയാണ് ....