ആസുരം 

ചില നേരങ്ങളിൽ അങ്ങനെയാണ് ...
ഉറുമ്പുകൾ കുനു കുനെ ,
നിരനിരയായി പോകുന്നത് കാണുമ്പോൾ ,
എനിക്ക് ദേഷ്യം വരും .
ചവിട്ടിയരച്ചോ ,ചുട്ടെരിച്ചോ 
ഞാനവയെ തീർത്തു കളയും .
ഞാനിടപെടുമ്പോൾ ,
ഭയന്ന് അവ നിര തെറ്റുന്നതും ,
ചത്ത് വീഴുന്നതും കണ്ടാനന്ദിക്കും 

😡😡😡😡😡😡😡😡😡😡😡

മറ്റു ചിലപ്പോൾ ,

 ഒച്ചുകൾ ഇണചേരുന്നത് കണ്ട് ,
  എനിക്ക് ഓക്കാനം വരും 
  അവയിലൊന്നിനെ ,ഇനിയീ ജന്മത്തിൽ -
  കാണാനാവാത്തത്ര ദൂരത്തേക്ക് ,
  ഞാൻ വലിച്ചെറിയും .

😡😡😡😡😡😡😡😡😡😡😡😡
                                         
വേനലുച്ചകളിൽ ,
ഉണങ്ങിയ വാഴയിലകൾക്കിടയിൽ ,
കെട്ടിപ്പുണർന്ന പാമ്പുകൾക്ക് നേരെ -
കല്ലെറിഞ്ഞിട്ട് ഞാനോടി രക്ഷപ്പെടും 
 ഈ ശാപങ്ങളൊക്കെയും ,
 എനിക്കുമേൽ പെയ്തുവീഴുന്ന കാലം ,

 എന്നെയും കാത്തിരിക്കുമെന്ന്  ചിന്തിക്കാനോ ,

എനിക്ക് മനസ്സില്ല .